Lasaña de carne

Unha receita de lasaña de carne, sinxela pero bastante laboriosa. Un prato que se pode empregar para calquera ocasión.

Prato Prato principal

Cociña Española, Italiana

Keyword carne, pasta

Preparación 1

Tempo de cocción 40

Tempo total 1 40

Servings persoas

Calories 563.37kcal

Cocer a pasta en abundante auga con sal, escoar e reservar. Neste caso empregamos pranchas de lasaña precociñadas, polo que só temos que hidratalas seguindo as instrucións do fabricante (20 minutos a remollo en auga quente, sen necesidade de fervelas, e remexendo de cando en vez).
Picar o pemento, a cebola e os porros moi miúdos e sofrixilos en aceite.
Cando as verduras estean listas, engadir o tomate triturado. Ao tomate engádeselle un chisco de azucre para cortar a acidez (opcional), sal e as especias que desexemos. Neste caso: ourego e tomiño. Deixar cocer mentres douramos a carne.
Adobar a carne con sal de allo ou allo en po e dourala nunha tixola.
Cando estea dourada engadila á salsa e deixar cocer todo uns minutos. Incorporar 50 g do queixo relado e remover ata que se funda.
Preparar unha bandexa de forno, untándoa cun pouco de tomate triturado, o xusto para que non se pegue. Hai quen a cobre totalmente co tomate. Para o noso gusto, o que leva a carne abonda.
Ir colocando capas de pasta e carne ata acabar a carne e as placas de lasaña.
Facer a bechamel cos ingredientes indicados, cubrir con ela a lasaña, empoar co queixo relado, uns taquiños de manteiga e gratinar ata que estea dourada.

Unha receita de lasaña de carne, sinxela pero bastante laboriosa. Un prato que se pode empregar para calquera ocasión.