Lavar os berberechos e deixalos a remollo durante 1 hora en auga con sal groso (así soltan a area que poidan ter). Logo dunha hora, escoar e lavalos de novo. Reservar.

Nun pouco de aceite de oliva, dourar o allo fileteado.

A continuación, engadir o polo picado aderezado con sal de allo e douralo.

Mentres, quentar o litro de auga e engadirlle os dous papeliños de azafrán.

Unha vez dourado o polo, incorporar o arroz e refogalo para que peche e quede solto unha vez cocido.

Engadir os berberechos e mesturar.

A continuación, engadir a auga quente co azafrán e salgar.

Cocer, tapado, ata que a auga se evapore completamente (uns 20 minutos)

Engadir os chícharos, escoados, tapar e deixar repousar 5 minutos.