Dourar o polo en aceite de oliva, retiralo e reservar.

No mesmo aceite ir engadindo os allos fileteados, a cebola picada e os feixóns verdes e os champiñóns troceados.

Cando as verduras estean a medio sofrixir, incorporar o tomate relado ao que engadimos un pouco de azucre e a mesma cantidade de sal.

O tomate desglasará o fondo da pota.

Tapar e deixar que se faga uns minutos.

Incorporar o arroz, refogalo, e logo o polo.

Engadir a auga, sal e un sobreciño de azafrán.

Cocer 17 minutos ou ata que evapore a auga.

Deixar repousar 5 minutos, tapado, antes de o servir.