Facer unha vinagreta co perexil, o viño, o aceite, o allo e o vinagre, mesturando ben

Adobar os trozos de bonito con esta salsa e deixar así durante unha hora.

Mentres, cocer as patacas, ben lavadas e sen pelar, nunha pota con auga, sal e a folla de loureiro. Cando estean listas, escorrer e conservar quentes.

Quentar a prancha (se non se dispón dunha pode facerse en tixola), escoar o bonito, salgalo e poñer na prancha ata que estea feito.

Sérvese acompañado das patacas sen lles quitar a pel.