O día anterior trocease o coello, reservando o fígado libre de fel, e sazónase.

Alíñase coa pementa, o allo picado, o tomiño e o ourego e cúbrese cun pouco de brandy e co ribeiro tinto.

Engádese ao aliño media cebola troceada e dúas follas de loureiro.

Ao día seguinte escóanse os trozos de coello e cóase o adobo, que se reserva.

Dourase en aceite ben quente o coello, retírase do lume e, nese mesmo aceite, a lume lento, refógase o resto da cebola cortada en xuliana.

Unha vez dourada a cebola incorpórase de novo o coello e cúbrese co caldo coado do adobo.

Déixase cocer ate que estea tenro, engadíndolle, a media cocción, o fígado previamente machacado.

Pódese acompañar de arroz branco.