Cortar á xuliana as cebolas e o pemento.

Quentar aeite de oliva virxe extra, 4 ou 5 culleradas, e sofrixir a cebola e o pemento.

Escoar o rustrido e reservar o aceite (vai utilizarse para facer a masa).

Escaldar o bacallau durante 1 minuto en auga e leite. Esmiuzar e retirar as espiñas.

Picar as pasas e, xunto co bacallau, mesturar cos vexetais. Deixar repousar.

Poñer no vaso da Thermomix 100 g do aceite de facer a zaragallada, 130 g de auga, 80 g de viño branco e 20 g de fermento.

Programar 90 segundos, 40º C, velocidade 3.

Logo, engadir 400 g de fariña forte e unha culleradiña de sal.

Programar 2 minutos a velocidade espiga.

Sacar a masa do vaso e traballar á man ata integrar 100 g máis de fariña.

Deixar repousar, tapada, durante 1 hora.

Prequentar o forno a 200ºC

Dividir a masa en dúas metades e estendelas do tamaño da fonte a utilizar.

Poñer unha das metades na fonte e, sobre ela, o recheo.

Tapar coa otra metade da masa. Selar os bordos e facer un buraco no centro.

Pintar con ovo batido e enfornar durante 30 minutos (200ºC)

Deixar arrefriar sobre unha reixa.