Fabas con polbo

Delicioso prato de polbo e fabas

Course Prato principal, Primeiro prato

Cuisine Española

Keyword fabas, polbo

Preparación 20

Tempo de cocción 1

Total Time 1 20

Servings persoas

Calories 292.5kcal

Ingredientes

300 g fabas
300 g polbo cocido
1 pemento encarnado
1 pemento verde
1 cebola
1 tomate
2 cdiña pemento doce
auga ou caldo de cociñar o polbo
3 cda aceite de oliva
sal

Instrucións

Cocer as fabas (remolladas a noite anterior se non están tenras) en auga fría. Cando empecen a ferver e solten a escuma, botamos a auga. Volver poñelas a cocer con auga fría (mesturada co caldo de cocer o polbo) e sal.
Se, a medida que as fabas cocen, quedan curtas de auga pódese engadir máis, pero sempre fría. Tardarán unha hora aproximadamente.
Mentres cocen as fabas, cortar en cubos moi pequenos as verduras: cebola, pementos e tomate.
Cortar o polbo (cunhas tesoiras) e reservar.
Cando as fabas estean case listas, empezar a facer o rustrido
Nunha tarteira con aceite dourar a cebola.
A continuación engadir os pementos (vermello e verde) e cando estean case listos, incorporar o tomate.
Cando o rustrido estea listo, engadir o pemento doce e refogar ben con coidado de que non se queime.
A continuación incorporar as fabas e remover con coidado de que non rompan. Se é necesario, engadir un pouco de caldo.
Por último engadir o polbo e mesturar ben.

Video

Notes

As fabas, en castelán "habas", coñécense tamén como "habichuelas", "judías blancas", "alubias"... En Galicia usamos normalmente o termo "fabas" e as "Fabas de Lourenzá" son famosas por ter Indicación Xeográfica Protexida. Con elas fixen esta receita.

Para esta receita pódense empregar fabas e polbo xa cocidos, o que fai que a receita sexa moi sinxela. Neste caso cocín as fabas pero usei polbo cocido previamente.

Espero que vos guste.

Nutrition