Poñer a quentar o viño cun anaquiño de loureiro e abrir nel os mexillóns.

Coar e reservar o caldo.

Retirar a metade da cuncha e colocar os mexillóns nunha fonte de forno.

Nunha tixola poñer a sofritir os allos, a cebola e o pemento picados moi miúdos.

A continuación engadir os tomates pelados e triturados e un anaco de loureiro.

Sazonar con sal e pementa e deixar cocer uns cinco minutos.

Incorporar o caldo dos mexillóns e deixar reducir un pouco.

Verquer este prebe sobre os mexillóns, empoar con pan relado e/ou queixo relado e meter no forno uns minutos ata que estean gratinados.