Polbo á feira

Para facer o polbo á feira é recomendable utilizar un polbo conxelado pois así evitamos ter que mazalo e non nos arriscamos a que saia duro.

Course Aperitivo, Primeiro prato

Cuisine Galega

Keyword polbo

Tempo de cocción 22

Tempo de repouso 20

Total Time 42

Servings persoas

Calories 341.45kcal

Ingredientes

500 g polbo
1 cda pemento doce
1 cdña pemento picante
2 cda aceite de oliva
sal groso

Instrucións

Unha vez desconxelado e lavado o polbo, poñer a ferver abundante auga sen sal (sálgase unha vez cocido).
Cando a auga está a ferver, e collendo o polbo pola cabeza, mergullalo tres veces na auga (meténdoo e sacándoo) para que non solte a pel. Á cuarta vez deixalo na auga para cocer.
Cociñar entre 20 e 30 minutos, dependendo do tamaño do polbo.
Unha vez cocido, retirar a pota do lume e deixar repousar un intre (10 a 15 minutos), escoar e cortar cunhas tesoiras.
O típico é servilo en prato de madeira, pero o importante é aderezalo con sal groso, aceite e pemento.
Dependendo do forte que o queiramos o pemento pode ser picante, doce ou unha mestura dos dous.

Video

Notes

Para facer o polbo á feira é recomendable utilizar un polbo conxelado pois así evitamos ter que mazalo e non nos arriscamos a que saia duro. A conxelación fai que rompan as fibras que son as que impiden abrandar o polbo. Podemos mercalo xa conxelado ou facelo nós mesmos, manténdoo así durante 2 ou 3 días. Unha vez desconxelado hai que lavalo, sobre todo para eliminar das ventosas dos tentáculos a posible area que poidan ter.

Unha cousa importante é “asustalo” ao ir cocelo. O susto consiste en mergullalo na auga fervendo e sacalo tres veces. Á cuarta déixase na auga para cocelo. A razón de facer isto é que non solte a pel. Non sei se esta operación ten unha base empírica. Eu nunca cocín un polbo sen facelo así que non podo asegurar que sexa imprescindible.

Outra cousa para ter en conta é que se pon a cocer en auga soa, sen sal, sen loureiro, sen cebola ou calquera outra cousa que se nos ocorra. O sal pónselle despois de cocelo, ao facer a receita.

O pulpo á feira é o prato de polbo máis típico de Galicia. O de “á feira” venlle porque é así como o poñen en todas as feiras de Galicia.

Nutrition