Prequentar o forno a 190ºC

Coa axuda dunha xeringa, inxectar o polo co coñac por todas partes. Sobrará coñac.

Adobar con sal de allo, tomillo, ourego e pementa, sen esquecer o interior do polo.

Untar a superficie do polo con manteiga de porco que aportará sabor e a graxa necesaria.

Regar co resto do coñac.

Enfornar durante 1 hora e cuarto aproximadamente.

Logo de 40 minutos engadir as froitas secas: ameixas pasas, dátiles e orellóns (poden introducirse algunhas dentro do polo).

Tapar con papel de aluminio para que non se queimen, nin as froitas nin o polo.

Logo doutros 20 minutos, retirar o aluminio e continuar asando outros 15 ou 20 minutos ata que a pel estea dourada.

Se é necesario, encender o gratinador, pero, nese caso, retirar as froitas para que non se queimen.

Unha vez fóra do forno, retirar o polo e, sobre o lume, engadir un grolo de viño branco para desglasar a fornte.

Botar os líquidos nunha tixola e deixar reducir para ligar a salsa.

Presentar o polo nunha fornte xunto coas froitas e a salsa nunha salseira.