Caldo de grelos de Siseta

Publicada por Marta o 21/01/17

Miña nai era unha cociñeira marabillosa. Supoño que todos nós, ou polo menos a maioría, pensamos iso de nosas nais. No meu caso é certo; de feito, o meu home pensa o mesmo. Aínda que todo lle saía moi ben, unha das cousas máis salientables era o caldo de grelos que xa era espeso e sabía “a vello” dende o momento en que remataba de facelo.

Miña nai sempre facía o caldo de grelos (ou nabizas se non era tempo de grelos), nunca, que eu lembre, o fixo de repolo e non estou moi certa canto das verzas. Os outros ingredientes eran as fabas, que deixara en remollo a noite anterior, as patacas e, por suposto, un anaco de unto. Para os que non saibades o que é, o unto é a graxa que cubre as tripas do porco que se afuma e deixa enranciar. Na casa, un caldo sen unto non era caldo.

Miña nai nunca utilizaba auga soa para facer o caldo. Sempre utilizaba o caldo coado que resultaba de facer o cocido; cocido que sempre levaba, lacón, chourizos e tenreira e, case sempre, costela, touciño, orella… Resultaba, xa que logo, un caldo moi substancioso e contundente, de tal xeito que moitas veces era o prato único na mesa.

Esta é a receita do caldo de grelos segundo o facía ela.

De feito, as fotos da galería, das que pedimos desculpas pola súa calidade, corresponden a un vídeo caseiro de miña nai facendo o caldo.

Unha advertencia: miña nai sempre cociñaba a ollo, así que non é posible saber as cantidades exactas do utilizado. As que aparecen aquí calculeinas eu, tamén a ollo, segundo ía vendo o vídeo. E tamén a ollo calculei o número de comensais tendo en conta as seguintes variables: o tamaño da pota, que ela estaba afeita a cociñar para oito e sempre sobraba, e que no momento de facer o vídeo xa non eramos tantos na casa.

Ingredientes

Servings 8 persoas


  • 3 l caldo de carne resultante de facer o cocido
  • 1000 g grelo
  • 500 g faba
  • 1000 g pataca
  • 50 g unto

Nutrición

Calorías: 571kcal | Carbohidratos: 43g | Proteínas: 42g | Fat: 21g | Graxa saturada: 8g | Graxa poliinsaturada: 3g | Graxa monoinsaturada: 8g | Colesterol: 76mg | Sodio: 457mg | Potasio: 1464mg | Fibra: 22g | Azucre: 3g

Instrucións paso a paso

  • O primeiro que facía era escumar as fabas que tiña en remollo dende a noite anterior. Para iso poñíaas a cocer nunha pota cubertas de auga fría ata que fervía que era cando botaban a escuma. Entón as escoaba e as lavaba.
  • Unha vez lavadas, poñía a cocer as fabas, tamén en auga fría, cun anaco de unto, e as deixaba ata que comezaban a estar brandas.
  • Mentres, limpaba a verdura e pelaba as patacas.
  • Lavaba e cortaba os grelos, só as follas, os talos máis grosos non os botaba. Poñíaos no vertedoiro, co tapón, e escaldábaos con auga fervendo deixándoos así uns minutos. Logo escoábaos e reservaba.
  • Poñía a quentar o caldo limpo para que, no momento de ir a botar as fabas e o unto, estivese fervendo e así non cortar a súa coción.
  • Pelaba e lavaba as patacas. Cortábaas moi miudas, como para tortilla, e deixábaas en auga ata o momento de as botar no caldo, para que non se puxesen escuras.
  • Mentres, botaba as fabas e o unto no caldo fervendo e deixaba que cocesen ata que empezasen a abrir e romper
  • Neste momento botaba primeiro as patacas e logo os grelos deixando cocer todo xunto ata que estivesen tenros. Ao primeiro coción forte e pota tapada e logo baixaba o lume e deixaba a pota entreaberta.
  • Se veía que ía quedar solto botaba máis patacas.
Caldo de grelos
Caldo de grelos de Siseta

Miña nai era unha cociñeira marabillosa. Supoño que todos nós, ou polo menos a maioría, pensamos iso de nosas nais. No meu caso é certo; de feito, o meu home pensa o mesmo. Aínda que todo lle saía moi ben, unha das cousas máis salientables era o caldo de grelos que xa era espeso e sabía “a vello” dende o momento en que remataba de facelo.

Miña nai sempre facía o caldo de grelos (ou nabizas se non era tempo de grelos), nunca, que eu lembre, o fixo de repolo e non estou moi certa canto das verzas. Os outros ingredientes eran as fabas, que deixara en remollo a noite anterior, as patacas e, por suposto, un anaco de unto. Para os que non saibades o que é, o unto é a graxa que cubre as tripas do porco que se afuma e deixa enranciar. Na casa, un caldo sen unto non era caldo.

Miña nai nunca utilizaba auga soa para facer o caldo. Sempre utilizaba o caldo coado que resultaba de facer o cocido; cocido que sempre levaba, lacón, chourizos e tenreira e, case sempre, costela, touciño, orella… Resultaba, xa que logo, un caldo moi substancioso e contundente, de tal xeito que moitas veces era o prato único na mesa.

Esta é a receita do caldo de grelos segundo o facía ela.

De feito, as fotos da galería, das que pedimos desculpas pola súa calidade, corresponden a un vídeo caseiro de miña nai facendo o caldo.

Unha advertencia: miña nai sempre cociñaba a ollo, así que non é posible saber as cantidades exactas do utilizado. As que aparecen aquí calculeinas eu, tamén a ollo, segundo ía vendo o vídeo. E tamén a ollo calculei o número de comensais tendo en conta as seguintes variables: o tamaño da pota, que ela estaba afeita a cociñar para oito e sempre sobraba, e que no momento de facer o vídeo xa non eramos tantos na casa.

Ingredientes

Servings 8 persoas


  • 3 l caldo de carne resultante de facer o cocido
  • 1000 g grelo
  • 500 g faba
  • 1000 g pataca
  • 50 g unto

Instrucións paso a paso

  • O primeiro que facía era escumar as fabas que tiña en remollo dende a noite anterior. Para iso poñíaas a cocer nunha pota cubertas de auga fría ata que fervía que era cando botaban a escuma. Entón as escoaba e as lavaba.
  • Unha vez lavadas, poñía a cocer as fabas, tamén en auga fría, cun anaco de unto, e as deixaba ata que comezaban a estar brandas.
  • Mentres, limpaba a verdura e pelaba as patacas.
  • Lavaba e cortaba os grelos, só as follas, os talos máis grosos non os botaba. Poñíaos no vertedoiro, co tapón, e escaldábaos con auga fervendo deixándoos así uns minutos. Logo escoábaos e reservaba.
  • Poñía a quentar o caldo limpo para que, no momento de ir a botar as fabas e o unto, estivese fervendo e así non cortar a súa coción.
  • Pelaba e lavaba as patacas. Cortábaas moi miudas, como para tortilla, e deixábaas en auga ata o momento de as botar no caldo, para que non se puxesen escuras.
  • Mentres, botaba as fabas e o unto no caldo fervendo e deixaba que cocesen ata que empezasen a abrir e romper
  • Neste momento botaba primeiro as patacas e logo os grelos deixando cocer todo xunto ata que estivesen tenros. Ao primeiro coción forte e pota tapada e logo baixaba o lume e deixaba a pota entreaberta.
  • Se veía que ía quedar solto botaba máis patacas.
Caldo de grelos
Información nutricional
Caldo de grelos de Siseta
Cantidade por ración
Calorías 571 Calorías da graxa 189
% valor diario*
Fat 21g32%
Graxa saturada 8g40%
Graxa poliinsaturada 3g
Graxa monoinsaturada 8g
Colesterol 76mg25%
Sodio 457mg19%
Potasio 1464mg42%
Carbohidratos 43g14%
Fibra 22g88%
Azucre 3g3%
Proteínas 42g84%
* Porcentaxes diarias baseadas nunha dieta de 2000 calorías.