Lavar os berberechos e deixalos en remollo durante 1 hora con sal gordo (así soltan as areas que poidan ter). Logo dunha hora, escoar e lavalos de novo. Reservar.
Nun pouco de aceite de oliva, dourar o allo fileteado.
Logo, engadir o polo troceado e sazonado con sal de allo, e douralo.
Mentres, quentar o litro de auga e engadirlle os dous papeliños de azafrán.
Unha vez dourado o polo, incorporar o arroz e refogalo para que peche e quede solto unha vez cocido.
Engadir os berberechos e mesturar.
Botar a auga quente co azafrán e salgar.
Deixar cocer, tapado, ata que a auga se evapore totalmente (20 minutos aprox)
Engadir os chícharos, escoados, tapar e deixar repousar 5 minutos.