Nunha tixola engádese aceite e sofrítense, lentamente, a cebola e o pemento vermello cortados á xuliana.

Cando estean feitos retírase do lume e déixase arrefriar o suficiente para lle botar unha cullerada de pemento doce sen o queimar.

Escoar o rustrido e reservar 100 g do aceite para facer a masa.

Na mesma tixola frítense os filetes de raxo previamente adobados sal de allo. Incorpóranse ao rustrido e resérvase todo.

Nunha cunca ponse o medio quilo de fariña e se fai un oco no medio.

Dentro botánse a auga morna con sal, o aceite de preparar o recheo, o viño branco e o fermento desmiuzado.

Mestúrase e trabállase todo ben ata que a masa se despegue fácilmente das máns .

Tapar e deixar repousar 20 minutos.

Poñer no vaso da Thermomix 150 g de auga, 100 g de aceite de facer a zaragallada, 50 g de viño e 20 g de fermento.

Programar 1 minuto / 40ºC / velocidade 2.

Logo, engadir 500 g de fariña forte e unha culleradiña de sal.

Programar 2 minutos a velocidade espiga.

Sacar a masa do vaso e traballar á man para formar unha bola.

Deixar repousar, tapada, durante 20 minutos.

Divídese a masa en dous anacos que se estiran en forma rectangular.

Nunha bandeixa de forno previamente engraxada con aceite e enfariñada (ou cuberta con papel de forno), colócase unha das metades da masa e sobre ela o recheo.

Tápase coa outra metade e selase polos bordes dobrando a parte inferior sobre a superior, na a que debe facerse, no medio, un buraco a modo de cheminea.

Cos restos da masa pódense facer uns adornos.

Píntase con ovo batido e métese no forno, con calor por arriba e por abaixo, a 200º durante 30 minutos.