Luras na súa tinta
Calories: 385.65kcal
Esta receita de luras na súa tinta é moi sinxela. O máis complicado é limpar as luras, pero iso pódese facer na peixaría. Grazas a iso, só teremos que facer a salsa e cocer nela as luras.
A salsa, nesta receita, é moi sinxela porque, ademais da tinta, só ten allo, cebola, viño branco e un pouco de fariña para espesala. Por último, tamén se engade un pouco de perexil picado.
Hai outras receitas nas que tamén se empregan outros ingredientes como tomates, pementos, etc. A min gústame así.
O acompañamento máis tradicional para a lura na súa tinta é o arroz branco.
Servings 4 persoas
Ingredientes
- 1200 g luras limpos e troceados
- 1 cebola
- 1 dente allo
- 1 vaso viño branco
- 1 cda fariña
- aceite de oliva
- perexil picado
- sal
- 100 g arroz
- 1 saquiña tinta concentrada de chocos
Instrucións paso a paso
- Dourar a cebola e o allo picados a lume baixo en aceite de oliva.
- Engadir unha cullerada de fariña e refogar ben.
- Despois refogar as luras, limpas e cortadas en anacos, durante uns 5 minutos.
- Engadir o viño e deixa evaporar o alcol.
- Incorporar as tintas disoltas na auga.
- Salgar e cocer aproximadamente 30 minutos.
- Se a salsa espesa demasiado, engadir un pouco máis de auga. Se, pola contra, queda moi solta, deixar cocer uns 5 minutos coa pota destapada.
- Un pouco antes de rematar a cocción, engadir o perexil picado e cociñar uns minutos.
- Servir con arroz branco
Nutrición
Calorías: 385.65kcal | Carbohidratos: 33.31g | Proteínas: 49.03g | Graxa: 4.35g | Graxa saturada: 1.13g | Colesterol: 699mg | Sodio: 134.44mg | Potasio: 810.09mg | Fibra: 0.85g | Azucre: 1.2g | Vitamina A: 99.57IU | Vitamina C: 16.21mg | Calcio: 110.08mg | Ferro: 2.39mg
